Ավետիք Իշխանյան. «Կուսակցությունը ես եմ»
Advertisement 1000 x 90

Ավետիք Իշխանյան. «Կուսակցությունը ես եմ»

Իրավապաշտպան Ավետիք Իշխանյանի ֆեյսբուքյան գրառումը. «Ես իմ Բարգավաճի ցանկը, մեծամասնությունը փոխելու եմ, լինելու են նորմալ… ամեն ինչ կտեսնեք», – հայտնեց ԲՀԿ նախագահ Գագիկ Ծառուկյանը։

Գուցե պետք է ողջունել Գագիկ Ծառուկյանի անկեղծությունը։ Չէ՞ որ նույն վիճակն է Հայաստանի ավելի քան 70 կուսակցություններում, չնայած այդ բոլոր կուսակցությունների ղեկավարներն ու անդամները դեմքի խելոք արտահայտությամբ ասում են․ «մենք այդ հարցը կուսակցության վարչության (գործադիր մարմնում, համագումարում) դեռ չենք քննարկել»։

Այսպիսով, անկախ կուսակցության անվանումից, այն նրա ղեկավարի սեփականությունն է, կուսակցությունը՝ ես եմ կարգախոսով։ Որևէ ձևով (ընտրության, հեղաշրջման, հեղափոխության) գալով իշխանության կուսակցության ղեկավարի կարգախոսը փոխվում է․ Պետությունը՝ ես եմ, կամ այսօր առավել ակտուալ․ ԺՈՂՈՎՈՒՐԴԸ՝ ԵՍ ԵՄ»։