Տպել
Երգչուհի Նարե Գևորգյանի և նրա պրոդյուսեր Արման Պետրոսյանի համագործակցության գրեթե սկզբից անընդհատ լուրերր էին շրջանառվում, թե նրանց միջև ոչ միայն աշխատանքային, այլև սիրային կապ է հաստատվել: Սակայն նրանցից ոչ մեկը լուրը չէր հաստատում՝ այդպես էլ կարծիքները թողնելով ոչ պաշտոնական հարթության մեջ:
Եվ ահա, երգչուհի Նարե Գևորգյանը, թերևս իր համար ճիշտ ժամանակին սիրո խոստովանություն է արել Արման Պետրոսյանին ու այդպիսով նաև վերջ տվել տարատեսակ բամբասանքներին՝ հաստատելով իրենց՝ միասին լինելու լուրը: Երգչուհին իր Instagram-ում իր ու սիրելիի լուսանկարներից բաղկացած հոլովակ է տեղադրել՝ իր «Երբ կողքիս ես» երգի ներքո: Իսկ նրանց հետևորդները շտապել են շնորհավորել ու ջերմ բարեմաղթանքներ հղել նրանց:
Life.panorama.am-ը, թեմայի շուրջ խոսելու նպատակով, կապ հաստատեց Արմեն Պետրոսյանի հետ, սակայն վերջինս հրաժարվեց խոսել՝ միայն նշելով.
«Նարեի հրապարակումը արդեն իսկ խոսում է ամեն ինչի մասին: Այո, հաստատում եմ լուրը, բայց ավելին խոսել չեմ ուզում. Մենք կարծում ենք, որ երջանիկ պետք է լինել լուռ»:
Մեզ հետ զրույցում պրոդյուսերը նշեց նաև, որ այս պահին զբաղված են Նարե Գևորգյանի նոր տեսահոլովակի աշխատանքներով, որի պրիմիերան կկայանա շուտով:
Life.panorama.am-ը շնորհավորում է Նարեին ու Արմանին՝ մաղթելով մեծ ու անսպառ երջանկություն:
