Տպել
Մեծ Բրիտանիայի թագավորական ընտանիքի անդամներ արքայազն Հարին ու նրա կինը՝ Մեգան Մարքլը, ավարտել են իրենց առաջին համատեղ թագավորական շրջագայությունը:
Ինչպես նշում է Reuters-ը, 16-օրյա շրջագայության վերջին կանգառը եղել է նորզելանդական Ռոտորուա քաղաքը: Այստեղ նորապսակներն այցելել են արգելոց, ծանոթացել Նոր Զելանդիայի էնդեմիկ թռչուններից մեկին՝ կիվիին: Հարին ու Մարքլն անուններ են տվել ձվից նոր դուրս եկած թռչնակներին:
Բացի այդ, նրանք հանդիպել են վերացող մաորի ցեղի անդամների հետ ու նրանց թե ռեո կոչվող լեզվով երգել մաորիների ավանդական երգերից մեկը:
Հիշեցնենք, որ շրջագայության ընթացքում իրենց առաջնեկի ծնվելուն սպասող զույգը եղել է Ավստրալիայում, Ֆիջիում, Տոնգայում ու Նոր Զելանդիայում:
