Տպել
Անահիտ Բախշյանի գրառումը. «Պարոն Փաշինյան, կրթության ոլորտում հերթական ապօրինություններն էլ Տավուշի մարզում են, որի մարզպետ պարոն Ղալումյանն ուզում է աշխատանքային պայմանագիր կնքել մի մանկավարժի հետ, որի մասին Տավուշի մարզպետարանի կրթության վարչության պետն ասել է.«Մարինե Հարությունյանին վերագրվող խախտումների հետ կապված ոչ թե քրեական գործ է հարուցված, այլ առայժմ դատախազությունը հանձնարարել է ոստիկանությանը՝ նյութեր նախապատրաստել»:
Տեսնես դպրոցի բարոյական նկարագիրն այս մարզի պաշտոնյաների համար ո՞րերորդ տեղում է: Հուշեմ, որ այդ ընտրությունը չեղարկելու հիմնավոր պատճառ ունեք, այս մրցույթի մասին հայտարարությունը, ինչպես պահանջում է ՀՀ կառավորության կողմից հաստատված համապատասխան կարգը, տեղադրված չէ azdarar-ում, սա լուրջ խախտում է:
Ի դեպ, Տավուշի մարզպետը, ինչպես վերջերս լրատվությունից տեղեկացա, Ձեր մանկության ընկերն է: Ինքն ամենաշատը պետք է զգուշանար նման անօրինականություններից»:
