Տպել
Պենզայում բռնկված հրդեհի հետևանքով հայ է մահացել, հաղորդում է ՍՄԻ 85–ը` հղում անելով Ռուսաստանի ԱԻՆ գլխավոր վարչության Պենզայի շրջանի մամուլի ծառայության պետին։
Նշվում է, որ Տերնովսկի փողոցի բնակելի շենքում ամբողջությամբ այրվել է №1 բնակարանը։ Հրդեհի մակերեսը կազմել է 90 քմ։
Մահացած տղամարդու մասին առաջին տեղեկությունը հայտնվել է սոցցանցերում ուշ երեկոյան։ Օգտատերերից մեկը հաղորդել է, որ հրդեհի հետևանքով մահացել է լավ մարդ` Ալիկ քեռին։ Այսօր այդ տեղեկությունը հաստատել է Պենզայի հայ համայնքը։
Մահացած տղամարդը երկար տարիներ եղել է սփյուռքի ներկայացուցիչ։ Կազմակերպությունում պատմել են, որ Ալիկը շատ գթասիրտ էր և օգնում էր կարիքավորներին։
Հրդեհի մասին ազդանշան ստանալուց հետո դեպքի վայր է ժամանել վեց միավոր հատուկ փրկարարական տեխնիկա։ Բնակելի շենքում հրդեհը հանգցրել են 21 հրշեջներ։
