Տպել
Պարզվել է, որ քնի պակասը մարդկանց դրդում է ոչ միայն ոչ առողջ սնունդ գործածելուն, այլև նրանց ստիպում է ավելի շատ փող ծախսել դրա համար: Այսպիսի եզրակացության են հանգել Քյոլնի համալսարանի գիտնականները, հայտնում է The Guardian-ը:
Մասնագետները նշում են, որ հոգնածությունը կարող է ակտիվությունը մեծացնել ուղեղի այն գոտիներում, որոնք կապված են ախորժակի և այսպես կոչված՝ հարմարավետ սնվելու հետ (սնունդի ընդունում դրական էմոցիաներ ստանալու նպատակով): Դրանից բացի, դիտվում է ախորժակի հետ կապված հորմոնների ակտիվության աճ:
Հետազոտությանը մասնակցել են 19-ից մինչև 32 տարեկան 32 առողջ երիտասարդներ: Պարզվել է՝ այն պարագայում, երբ նրանք լիարժեք չեն քնել, նրանց արյան մեջ գրանցվել է ախորժակի հորմոնների մակարդակի մեծացում: Դրան հավասար՝ ուղեղում աճել է նշաձև մարմնի ակտիվությունը, որը կապված է խրախուսիչ վարքագծի և հիպոթալամուսի հետ, որը վերահսկում է ախորժակը:
Այս ամենի հանրագումարը մարդկանց ստիպում է անցնել ֆասթ ֆուդի, որպեսզի սթրեսը «հոշոտեն»:
Մինչդեռ, ինչպես նշում են գիտնականները, ժամանակի ընթացքում այսպիսի գերհագեցումը կդառնա ճարպակալման զարգացման պատճառ:
