Տպել
Sputnik Արմենիայի նկարահանող խումբը գնացել է խոզերի ֆերմա և փորձել իմանալ, թե ինչ սպասելիքներ կան գալիք տարում։
Գալիք 2019թ-ը դեղին խոզի կամ վարազի տարի է։ Եթե հավատանք աստղագուշակներին՝ տարին բավական հանգիստ, բայց վառ կլինի` լի բազմաթիվ իրադարձություններով և հիշվող ակնթարթներով։
Հաշվի առնելով, թե ինչպես դիմավորեցին Sputnik Արմենիայի նկարահանող խմբին խոզերի ֆերմայում, ապա տարին հիրավի բարյացակամ կլինի։ Ավելի քան տասնյակ խոշոր խոզեր և 13 խոճկորներ պատասխանեցին բոլոր հարցերին և պատմեցին իրենց մտավախությունների մասին։
«Խռ–խռ–խռ։ Խռ–խռ–խռ։ Խռ–խռ–ֆս»,- պատմեց մեր զրուցակից Կծանը։
Ֆերմայի գրեթե բոլոր բնակիչները ծնվել են Հայաստանի համար կարևոր օրերին. եռյակներ Նիկոլը և նրա քույրը` թավշյա հեղափոխության օրերին, 13 խոճկորները` Երևանում Ֆրանկոֆոնիայի գագաթնաժողովի ժամանակ։ Իսկ երկու իջևանցի քույրերը պնդում են, որ ծնվել են մարտի 8-ին, սակայն տերերը չեն հավատում նրանց խոսքերին։
