Տպել
Ստամբուլում՝ «Ակոս»-ի խմբագրատան դիմաց ինչպես ամեն տարի, այսօր՝ հունվարի 19-ին ևս տեղի է ունենում միջոցառում՝ ի հիշատակ 2007 թվականին այդ նույն վայրում պարբերականի հիմնադիր և գլխավոր խմբագիր Հրանտ Դինքի սպանության:
Մեծ թվով մարդիկ հավաքվել են այն նույն վայրում, որտեղ 12 տարի առաջ սպանվել է պոլսահայ մտավորականը: Ինչպես ամեն տարի, այսօր ևս բոլորը ցույցի են դուրս եկել պաստառներով, որոնց վրա գրված է. «Չենք հրաժարվի, ախպարիկ», «Հանուն Հրանտի, հանուն արդարության», «Բոլորս Հրանտ ենք, բոլորս Դինք ենք»: Միջոցառման մասնակիցների թվում է նաև Թուրքիայի մեջլիսի հայ պատգամավոր Գարո Փայլանը, ով լուսանկար է հրապարակել և գրել է. «Չենք հրաժարվի, ախպարիկ»:
