«Բոլորը «պահանջում են» մի մարդուց». Արմեն Դանիելյան
Advertisement 1000 x 90

«Բոլորը «պահանջում են» մի մարդուց». Արմեն Դանիելյան

ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է. «Հայտնվել ենք մի այնպիսի աննախադեպ իրողության մեջ, երբ բոլորը «պահանջում են» մի մարդուց: Մի՞թե կարելի է տան բամոցին նստել կամ փողոցի անկյուններում կանգնել և սպասել, թե հեղափոխությունը շենացնելու է մեր տունն ու կյանքը: Կամ դառնալ նպաստառու և ընդգրկվել տարրատեսակ սոցիալական ծրագրերում… Երբեք չաշխատող մարդը չի կարող լավ ապրել… Մեզնից յուրաքանչյուրը պետք է աշխատի և դառնա հպարտ քաղաքացի, այլապես կարող ենք մեղքը բարդել իշխանությունների վրա և մեր ընտանիքներին սովի մատնել…

Հ.Գ. Մի հեքիաթում ասվում է, որ թագավորն իր անբան աղջկան կնության է տալիս մի աղքատ գյուղացու: Տեսնելով, որ թագավորի աղջիկը գործ չի անում, տղան մորն ասում է, որ աղջկան հաց չտա: Մի քանի օր մայր ու որդի հաց են ուտում, իսկ աղջիկան հաց չեն տալիս: Հաջորդ օրն աղջիկը տան կեսն ավլում է: Ամուսինը նրան կես հաց ու կես թաս ջուր է տալիս: Մյուս օրը մաքրում է ամբողջ տունն ու բակը: Այդ մասին իմանալով տղան թույլ է տալիս, որ կինն իրենց հետ սեղան նստի: Մի օր թագավորն իր կնոջ հետ գնում է աղջկան հյուր: Նրանք էլ խաշ են դրած լինում: Աղջիկը սխտորը տալիս է հորն ասելով մաքրի, եթե գործ չանես քեզ հաց չեն տա…

Հ.Գ. Ասածս ինչ է` լավ ապրելու համար պետք է աշխատել և ոչ թե նստել դիվանին կամ կանգնել փողոցի անկյուններում ու զբաղվել բանսարկություններով…»: