Մթերային գնալը նիհարեցնում է

ԱՄՆ Արիզոնա նահանգի բնակիչը 150 կիլոգրամով նիհարել է, ամեն անգամ մթերային խանութ գնալով:

Նիհարելու մասին ամերիկացին մտածել է, երբ բժիշկները նրան հայտնել են, որ արյան ճնշումն ու խոլեստերինի մակարդակը շատ բարձր են եղել:

Այդ ժամանակ նա որոշել է հրաժարվել վնասակար սննդից և անցել է առողջ սննդակարգի, սակայն ցանկալի արդյունք չի ստացել: Արդյունքը երևացել է, երբ Պասկուալեն սկսել է մթերք գնելու գնալ մոտակա սուպերմարկետ ամեն անգամ, երբ քաղց է զգացել: Այնտեղ նա վճռականորեն հեռու է մնացել պատրաստի ուտեստներից և գնել է մրգեր, բանջարեղեն և շիլաներ:

Առաջին երկու տարում ամերիկացին նիհարել է 90,7 կիլոգրամով, ինչը նրան հնարավորություն է տվել սկսել մարզասրահ հաճախել: Ֆիզիկական վարժությունների և խանութ գնալու համադրությամբ ամերիկացին երրորդ տարում նիհարել է 149,7 կիլոգրամով: Այս մասին հայտնում է New York Post-ը: