Տպել
Սիրո տոների կապակցությամբ VNews.am-ը առանձնացրել է Ազգային ժողովի չամուսնացած պատգամավորներին: Ազա՞տ է նրանց սիրտը թե՞ ՝ ոչ, հայտնի չէ, բայց որ ընտանեկան կապերով դեռ չեն կապվել, հաստատ է:
Սոս Վահեի Ավետիսյանը «Իմ քայլը» խմբակցությունից է: Ծնվել է 1989թ. հունիսի 21-ին Արարատում: Նրա ֆեյսբուքյան էջի նկարներից ենթադրվում է, որ ֆուտբոլի սիրահար է:
Գուրգեն Նիկոլի Բաղդասարյանը «Լուսավոր Հայաստան» խմբակցությունից է: Ծնվել է 1977թ. օգոստոսի 13-ին Երևանում: Տնտեսագետ է:
Քաջիկ Նահապետի Գևորգյանը «Բարգավաճ Հայաստան» խմբակցությունից է: Ծնվել է 1993 թվականի նոյեմբերի 1-ին Արմավիրում: Տնտեսագետ է:
Արման Աշոտի Եղոյանը «Իմ քայլը» խմբակցությունից է: Ծնվել է 1984թ. հունիսի 28-ին Երևանում: Արմանի ընտանեկան կարգավիճակը թեպետ նշված է չամուսնացած, սակայն, ըստ խոսակցությունների, նրա սիրտը զբաղված է:
Սարգիս Հայկի Խանդանյանը նույնպես «Իմ քայլը» խմբակցությունից է: Ծնվել է 1990թ. հունիսի 24-ին Գավառում: Քաղաքագետ է:
Հրաչյա Վաչիկի Հակոբյանը ևս «Իմ քայլը» խմբակցությունից է: Ծնվել է 1980թ. հուլիսի 15-ին Երևանում: Դերասան է: Վարչապետ Նիկոլ Փաշինյանի կնոջ՝ Աննայի, հարազատ եղբայրն է: Առաջին ամուսնությունից ունի երկու զավակ:
Մխիթար Իոսիֆի Հայրապետյան Սփյուռքի նախկին նախարարն է: Այժմ պատագամավոր է, «Իմ քայլը» խմբակցությունից է: Ծնվել է 1990թ. մայիսի 15-ին Երևանում: Հարցազրույցներից մեկում ասել է, որ իր սիրտն ազատ է: Հարցին՝ կարիերա թե՞ ընտանիք, պատասխանել է՝ «միանշանակ կարիերա»:
Նարեկ Արշակի Մկրտչյանը «Իմ քայլը» խմբակցությունից է: Ծնվել է 1989թ. հունիսի 20-ին Արմավիրի մարզի Փարաքար գյուղում: Պատմաբան է:
Տարոն Վարդանի Սիմոնյանը «Լուսավոր Հայաստան» խմբակցությունից է: Ծնվել է 1987թ. հունվարի 22-ին Վանաձորում։ Իրավաբան է:
Վաղարշակ Սոսի Հակոբյանը «Իմ քայլը» խմբակցությունից է: Ծնվել է 1991թ. հունվարի 1-ին Ծաղկաձորում։ Մխիթար Հայրապետյանի կուրսընկերն է և նախկին օգնականը:
Արման Շամիրի Բաբաջանյանը «Լուսավոր Հայաստան» խմբակցությունից է: Ծնվել է 1976թ. հուլիսի 15-ին: Ըստ խոսակցությունների, նրա սիրտը զբաղված է:
