Տպել
«Քաղաքացիական գիտակցություն» ՀԿ նախագահ Նարեկ Սամսոնյանը հայաստանյան մամուլի հետհեղափոխական խնդիրները թեմայով քննարկման ժամանակ, որը կազմակերպել էին Հայաստանի Ժուռնալիստների Միությունը և «Մեդիա Պաշտպան» նախաձեռնությունը, անդրադարձավ պետական ապարատում աշխատող անձանց, ովքեր բանակում չեն ծառայել` նշելով, որ Նիկոլ Փաշինյանի Կառավարության անդամների մեծ մասը այս կամ այն պատճառով ծառայություն չի անցել.
«Երբ հարցում ենք ուղարկում` իմանալու, թե տվյալ մարդը ինչու ծառայություն չի անցել, պատասխանում են, որ դա անձնական տվյալ է: Եթե անգամ անձնական տվյալ է, կան մարդիկ, ովքեր հրապարակեցին այդ պատճառները, ինչպես Առողջապահության նախարար Արսեն Թորոսյանը»:
Նարեկ Սամսոնյանի խոսքով՝ հարցերին պատասխան տալու համար այդ մարդիկ կարող են ներկայացնել չծառայելու պատճառները, որոնք կարող են նաև առողջական լինել:
«Մի օրինակ կարող եմ առանձնացնել` Տիգրան Ավինայնի դեպքում չենք կարողանում հասկանալ, թե նա ինչու է ազատվել բանակից: Ըստ օդում կախված լուրերի՝ նա գումարի դիմաց խուսափել է ծառայությունից և ոչ մի հիվանդություն չունի: Բայց մենք դա չենք կարողանում հաստատել»:
Politik.am-ի հետ զրույցում Տիգրան Ավինյանի խոսնակ Վահան Հունանյանը հրաժարվեց բանավոր պատասխանել մեր հարցին և ասաց, որ հարցի պատասխանը կստանանք գրավոր հարցում ուղարկելուց հետո:
