Իրանի և Հնդկաստանի մի քանի հարյուր քաղաքացիների հունվարին թույլ չեն տվել մտնել Վրաստան

Իրանի 576 և Հնդկաստանի 366 քաղաքացիների հունվարին թույլ չեն տվել մտնել Վրաստան: Այդ մասին հայտնել է Առաջին ալիքը՝ վկայակոչելով երկրի ներքին գործերի նախարարության տվյալները:

Վրաստանի սահմանը չեն կարողացել հատել նաև Ադրբեջանի 124, Թուրքիայի 116, Թուրքմենստանի 72 քաղաքացիներ:

Տասից ավելի մերժում է գրանցվել Ռուսաստանի (58), Հայաստանի (50), Ուզբեկստանի (44), Պակիստանի (28), Եգիպտոսի (16), Իրաքի (15), Ղրղզստանի (13), Ղազախստանի (11) քաղաքացիների նկատմամբ: Անցյալ տարվա հունվարին Վրաստան մուտքը մերժել են հազարից ավելի, իսկ ընթացիկ տարվա հունվարին՝ ավելի քան 1,5 հազար օտարերկրացիների: Ավելացել են նաէ Վրաստանի այցագրային ռեժիմի խախտման դեպքերը:

Այս տարի հայտնաբերվել է նմանօրինակ 528 դեպք, դրանցից 259-ը վերաբերել են Իրանի, իսկ 119-ը՝ Չինաստանի քաղաքացիներին: Հունվարին Վրաստանից նաէ արտաքսել են Թուրքիայի, Հնդկաստանի, Հայիթիի քաղաքացիների: Անցյալ տարի ամենից հաճախ Վրաստան մուտքն արգելել են նաէ Իրանի (ավելի քան 3,2 հազար մարդ) է Հնդկաստանի (ավելի քան 2,2 հազար մարդ) քաղաքացիներին: Այցագրային ռեժիմի խախտման ցուցանիշով առաջատարներն Իրանի (ավելի քան 1,5 հազար մարդ) է Չինաստանի (715 մարդ) քաղաքացիները: Ամենից հաճախ Վրաստանից արտաքսել են Թուրքիայի (15 մարդ) է Բանգլադեշի (13 մարդ) քաղաքացիների: