«Մայր Հայաստանի» աշխատակիցներն այցելուին «մոռացել են» թանգարանում ու գնացել

Այսօր` մարտի 2-ին, ժամը 15:28-ին ՌԴ քաղաքացին զանգել է «911» ծառայություն և հայտնել, որ մնացել է «Մայր Հայաստան» թանգարանում։ Այս մասին հայտնում է ՀՀ ԱԻՆ լրատվական ծառայությունը։

«Աշխատակիցները սխալմամբ փակել են դուռը և հեռացել»,– նշված է հաղորդագրության մեջ։

Թանգարանում մնացած քաղաքացու կանչով դեպքի վայր են մեկնել փրկարարները։

ԱԻՆ–ը թանգարանում կատարված զավեշտալի դեպքի մասին այլ տեղեկություններ չի հայտնում։

Ավելացնենք, որ ըստ թանգարանի կայքում հրապարկված տեղեկության` հանգստյան օրերին թանգարանն աշխատում է 10։00-ից 14։00–ն։