Տպել
Քաղաքացի Լուսինե Ավագյանի փաստաբան Անի Թորոսյանն ահազանգում է, որ իր պաշտպանյալը ամուսնու սպառնալիքների պատճառով չի կարողանում գալ Հայաստան: Իսկ նրա ամուսինը ԱԺ նախկին պատգամավոր Արսեն Ավագյանն է՝ մականունը՝ Տուգո:
Փաստաբանի խոսքով՝ Լուսինե Ավագյանն իր երեխայի հետ գտնվում է երկրից դուրս, քանի որ համատեղ կյանքի ընթացքում ամուսինն իր նկատմամբ պարբերաբար բռնություն է գործադրել, այնուհետև սպառնացել է երեխային խլել իրենից, ինչպես նաև ասել, է, որ այնպես կանի, որ Լուսինեն հայտնվի բերդում:
«Լուսինե Ավագյանը բավականին երկար ժամանակ՝ մոտավորապես երկու-երեք ամիս չէր կողմնորոշվում ամուսնալուծվել, թե ոչ, քանի որ ամեն դեպքում փորձում էր պահպանել ընտանիքը: Չնայած՝ պարբերաբար իր նկատմամբ ֆիզիկական բռնություններ են տեղի ունեցել՝ ծեծի տեսքով, որի հետևաքնով հաճախ է բժշկի դիմել: Երբ Լուսինե Ավագյանը որոշեց, որ ժամանակն է զբաղվել դրանով, դա այն ժամանակ էր, երբ նրա ամուսին Արսեն Ավագյանի կողմից ամուսնալուծության պահանջ դատարան արդեն ներկայացվել էր»,- ասաց փաստաբանը:
Երբ Անի Թորոսյանն արդեն ներկայացել է որպես Լուսինե Ավագյանի փաստաբան՝ համապատասխան մարմիններ հարցումներ է ուղարել՝ պարզելու համար, թե ինչ համատեղ գույք կա և պարզվել է, որ Արսեն Ավագյանը շատ արագ հսկայական կարողություն է օտարել, ինչն էլ վերավաճառվել է:
«Եվ երբ Լուսինե Ավագյանը սկսեց հետամուտ լինել իր իրավունքների պաշտպանությանը, մենք տարբեր պահանջներով հայցադիմումներ ներկայացրեցինք, այսինքն՝պայմանագրերը անվավեր ճանաչելու պահանջներ, վիճարկում էինք այդ պահանջները: Երբ Լուսինեն դիմեց իրավաբանին, Արսեն Ավագյանի կողմից սկսվեցին հետապնդումները Լուսինե Ավագյանի նկատմամբ՝բազմաթիվ վայբեր նամակներ, զանգեր, հեռակա միջնորդավորված անձանց միջոցով սպառնալիքներ, որոնք ուղղվում էին Լուսինեին առ այն, որ կվնասի, քիթն ու ականջը կկտրի, այնպես կանի որ բերդում հայտնվի: Պարբերաբար այս սպառնալիքները հնչում էին, Լուսինեն նույնիսկ վախենում էր դիմել իրավապահ մարմիններին: Ես որպես նրա ներկայացուցիչ առաջարկեցի, որ ես փորձեմ սաստել և նամակ ուղղեցի Արսեն Ավագյանին՝ խնդրելով ձեռնպահ մնալ այդպիսի վարքագծից: Դրանից հետո շատ կարճ ժամանակ Արսեն Ավագյանը հանդարտվեց և դրանից հետո էլ ավելի վատ ձևով սկսվեց, այն ինչ որ մենք չէինք էլ նախատեսում: Բանից պարզվում է, որ այն ժամանակ, երբ Լուսինե Ավագյանը Հայաստանում էր, նրա սկեսուր Նինա Գաբունին հաղորդում է տվել հանցագործության մասին, իբրև թե իմ վստահորդը՝ հափշտակել է իր ոսկյա զարդերը: Լուսինե Ավագյանն ունի իր անվամբ գրանցված հեռախոսահամր, որը միշտ հասանելի է , նա ունի ներկայացուցիչ, դա ես եմ: Իմ մասին թե՛ իր ամուսիննն է իմացել, թե՛ իր ամուսնու ներկայացուցիչն է իմացել: Ստացվում է, որ քննչական մարմինը «ջանասիրաբար»փորձել է գտնել Լուսինեին, չի գտել, քրեական գործ է հարուցվել, Լուսինեին մեղադրանք առաջադրվել և հետախուզում են հայտարարել: Լուսինե Ավագյանը մինչև այդ ամենը ամուսնու ահաբեկումների պատճառով էր Հայաստանից դուրս եկել և հիմա իր տեղը չի գտնում»,- ասաց Անի Թորոսյանը:
Փաստաբանը նաև նշեց, որ այս պարագայում Լուսինեն պաշտպանություն է հայցում իր անվտանգության առումով, ոորվհետև ցանկանում է գալ՝ չգիտի ինչպես գալ:
Անի Թորոսյանը նաև տեղեկացրեց, որ Արսեն Ավագյանը նաև սպառնացելէ Լուսինեի հարազատներին և այդ պատճառով նրա հայրը, ով գտնվում է արտերկրում, նույնպես վախենում է գալ Հայաստան:
Մանրամասները՝ տեսանյութում:
