Տպել
Քաղաքական մեկնաբան Հակոբ Բադալյանը ֆեյսբուքյան իր էջում գրել է.
«Վազգեն Սարգսյանը Հայաստանի նորագույն պատմության հակասական կերպարներից էր, որի պատմականությունը շատ թե քիչ ամբողջացնելու համար դեռ ունի լուրջ քննարկումների առիթ: Եվ էդ համատեքստում ինձ համար մի քիչ հասկանալի չեն իմ գնահատմամբ քնարական դիտարկումները, թե նրա ողջ լինելու դեպքում մենք այլ պետություն կունենայինք: Անկասկած, կունենայինք այլ պետություն, բայց ինչպիսի՞ այլ: Իսկ ինչպիսի՞ պետություն ունեինք, երբ նա ողջ էր: Ռոբերտը Քոչարյանն ա՞յլ պետություն սարքեց, թե՞ ուղղակի ամրացրեց եղածը, լավ տեսնելով թույլ ու խոցելի տեղերը իշխող համակարգի տեսանկյունից և ամրացնելով դրանք: 1995-96 թվականների ընտրական ցիկլը ա՞յլ պետությունից էր, թե՞ այլ պետությունից էր 1999-ի խորհրդարանի ընտրությունը, որն այլ բնույթի կեղծիք էր՝ երբ միանում են ընդդիմությունն ու իշխանությունը և էդ կերպ խեղում քաղաքականությունը: Հարցերը շատ են: Վազգեն Սարգսյանի դերը նսեմացնել պետք չի, բայց պետք չի նաև ֆետիշացնել: Պետք ա հասկանալ, իսկ դրա համար շատ-շատ հարցեր կան, որ մնացել են անպատասխան»:
