Տպել
ԱՄՆ նորընտիր նախագահ Դոնալդ Թրամփը համարվում է ԱՄՆ ամենաէքսցենտրիկ քաղաքական գործիչը: Նա շատ հարուստ է, հայտնի է իր սանրվածքով, սիրում է գեղեցիկ կանանց: Դրա վառ վկայությունը նրա երրորդ կինն է՝ Մելանյան: Ծանոթացեք՝ Մելանյա Թրամփը, ԱՄՆ Առաջին տիկինը:
Մոդել Մելանյան Թրամփի 3-րդ կինն է, ազգությամբ՝ սլովենուհի: 16 տարեկանից Հարավսլավիայի տարբեր ամսագրերում լուսանկարվել է իբրև մոդել: Նա չի խուսափել բաց լուսանկարներից: Սակայն ամուսնությունից հետո, նմանատիպ ֆոտոսեսիաներում չի մասնակցել: 2000 թ. ճանաչվել է Sports Illustrated ամսագրի Միս բիկինի կոչմանը:
Թրամփի հետ ծանոթացել է Նյու Յորքում բարձրաշխարհիկ խավի ներկայացուցչական ընթրիքի ժամանակ: Թրամփը ընկերուհու հետ է եղել, բայց դա չի խանգարել Մելանյային: Նա մոդելից հեռախոսի համար է ուզել, և ստանալով մերժում, գործի է դրել իր ազդեցությունը: Թրամփն այնպես է արել, որ գլամուրային ամսագրերը հատուկ վերաբերմունք ցուցաբերեն Մելանյայի հանդեպ: Միլիարդատիրոջ ջանքերը աղջիկը անպատասխան չի թողնում…
Թրամփը իր զգացմունքները չի կարողացել թաքցնել և անգամ ռադիոշոուի ժամանակ սեր է խոստովանել:
ԶԼՄ-րի հարցումների համաձայն, Մելանյան աշխարհի ամենասեքսուալ Առաջին տիկինն է: Իրենից առաջ Կարլա Բրունին էր:
Թրամփի ճոխ հարսանիքի հերոսուհին օգտվել է Ջոն Գալյանոյի ծառայություններից, ներկայանալով Dior-ի շքեղ, 200 000 դոլարանոց զգեստով: Ասում են, որ այդ շորով մեքենա նստելու համար մի խումբ օգնականներ են պահանջվել:
Հսկայական հարսանեկան տորթը զարդարել է 3 000 վարդ, իսկ արարողության ժամանակ մասնակցել են Հոլիվուդի աստղերը և Նյու Յորքի խոշորագույն ֆինանսիստները:
2010 թ. Մելանյան հայտարարել է սեփական դիզայնով ոսկերչական հավաքածուի թողարկման մասին: Ասում են, որ Դոնալդը ուրախ է. կինը սիրելի զբաղմունք է գտել:
elle.ru
Հրապարակման պատրաստեց Պողոս Վարժապետյանը
