Տպել
Մհեր Արշակյանի հրապարակումը.
1.Երբեք, երբեք, երբեք մի առօրեականացրեք սերը, դրա համար կա ամուսնությունը:
2.Եթե սերը ձեզ չի սպանում, դուք դրանից դուրս կգաք մեռած:
3.Ունեցեք անձեռնմխելի գաղտնիքներ, հիշեք, որ եթե պատմեք, ձեր սերն ապագայում դրանցով է գնալու հաջորդի մոտ:
4.Որոշեք ում կամ ինչի համար եք արթնանում, որովհետև լուսաբացն առանց ձեզ էլ կա:
5.Սիրելիին պետք է թողնել այն ժամանակ, երբ սիրված ես։ Հետո արդեն ավելի դժվար կլինի։
6.Սիրո վրա ոչինչ չես կառուցի: Բայց հլը փորձիր կառուցել առանց դրա:
7.Աղջիկներ, ձեր այն ընկերոջ մոտ, որին երբեք չէիք սիրի, մի խոսեք ուրիշի հանդեպ ձեր սիրուց: Դուք ընդամենը հասկացնում եք, որ նրան երբեք չեք սիրի` տեղ չթողնելով, որ ինքը ձեզ չսիրի առանց ձեր հիշեցնելու:
8.Մի չարախոսեք ձեր ծնողներին ձեր ընտրյալների մոտ, հեռանան, թե մնան, այդ չարախոսությունը ձեր ընտրյալների հոգում մնալու է որպես խրախճանք:
9.Հիշեք, ոչ ոք ձեզ մոտ չի գալիս ամբողջ սրտով: Երբեմն հենց ինքներդ էլ կերտում եք նրա սրտի մնացած մասը: Բայց ավելի հաճախ ինչ-որ մեկը տանում է ձերը պարզապես որպես իր նվաճում:
10.Ոչ ոք ձեզ չի սիրի այնքան, որքան` դուք: Մեկը միշտ «ավելի սիրողն» է: Դա միակ գերեզմանն է, որը փորում եք հաճույքով: Որովհետև ձերն է:
