Google-ը հորդորում է թարմացնել Chrome-ը և անցնել Windows 10-ի
Advertisement 1000 x 90

Google-ը հորդորում է թարմացնել Chrome-ը և անցնել Windows 10-ի

Google ը խնդրել է օգտատերերին թարմացնել Chrome-ը` վտանգավոր խոցելիությունից ազատվելու համար: Այն թույլ է տալիս հաքերներին հեռակառավարման միջոցով բրաուզերում ներդնել վտանգավոր կոդ:

Բրաուզերը թարմացնելու համար պետք է սեղմել վերևի աջ անկյունի երեք գծերի վրա, այնուհետև ընտրել  «Справку» և «О браузере Google Chrome» տողերը:

Բրաուզերի ակտուալ տարբերակը, որտեղ ուղղված է սխալը՝  72.0.3626.121-ն է:

Նման խնդիրներից ազատվելու համար ընկերությունը խորհուրդ է տալիս նաև վերջնականապես անցում կատարել Windows 10-ի: Հատկապես այն դեպքում, որ Windows 7-ը շուտով այլևս չի թարմացվելու:

Windows 7-ը մինչ օրս ունի օգտատերերի շատ մեծ քանակ, սակայն  արդեն մեկ տարուց օգտատերերը ստիպված կլինեն վճարել ծրագրից օգտվելու համար: 2020 թվականի հունվարի 14-ից Windows 7-ը կթարմանա միայն որոշակի գումարի դիմաց:

Windows 7-ի պաշտոնական աջակցությունն ավարտվել էր դեռ 2015 թվականին, սակայն այն պարբերաբար թարմացվում է՝ հաշվի առնելով օգտատերերի հսկայական թիվը: Կորպորատիվ օգտատերերը և Windows 7 Professional-ի սեփականատերերը կստանան թարմացումները մինչև 2023 թվականը, հաղորդում է Digital Trends-ը: Այնպես որ, Windows 7-ի հետ կապված խնդիրը վերաբերում է սովորական օգտատերերին, ովքեր կարգավորել են Windows 7-ը տնային համակարգիչներում:

Այս համակարգի օգտատերերը կարող են արդեն այժմ թարմացնել իրենց համակարգը մինչև Windows 10, կամ էլ՝ վճարել ընկերությանը և ստանալ վճարովի թարմացումներ: Օգտատերերը կարող են նաև չթարմացնել իրենց ծրագրերը: Սակայն այս դեպքում նրանք կմնան առանց աջակցության, իսկ համակարգն էլ չի լինի ապահով:

Windows 10-ը հիմա ամենատարածվածն է: Windows 7-ի վճարովի դառնալը կօգնի Windows 10-ին լինել էլ ավելի տարածված:

Սիրարփի Աղաբաբյան