Տպել
Չինաստանի Ցզյանսու նահանգի քիմիական գործարանում տեղի ունեցած պայթյունի հետևանքով տարբեր աստիճանի վնասներ են կրել ավելի քան 2800 բնակելի տներ: Այս մասին հայտնում է «ՌԻԱ Նովոստի»-ն:
Հիմնականում կոտրվել են պատուհանների ապակիներն ու դռները: Վնասված 89 տուն ենթակա չէ վերականգնման:
Տեղի իշխանությունները հայտնել են, որ տուժածներին փոխհատուցում է վճարվելու կամ տրամադրվելու են այլ տներ ուրիշ շրջանում:
Պայթյունը տեղի էր ունեցել մարտի 21-ին: Այս պահի տվյալներով՝ մահացել է 64 մարդ, 617-ը` վիրավորվել են:
Ներկայում բժիշկների վերահսկողության տակ շարունակում է մնալ 143 մարդ, որոնցից 94-ը ծանր և կրիտիկական վիճակում են: Եվս 28-ը համարվում են անհետ կորած:
