Տպել
Մոլորակի վրա 2018 թվականին ածխաթթվական գազի (CO2) արտանետումներն աճել են 560 միլիոն տոննայով՝ մինչև ավելի քան 33 միլիարդ տոննա պատմական առավելագույնը՝ էնեգետիկական պաշարների պահանջարկի 2,3 տոկոս մեծացման և էքստրեմալ եղանակային պայմանների պատճառով: Այդ մասին ասված է էներգետիկայի միջազգային գործակալության (ԷՄԳ)՝ մարտի 26-ին հրապարակված զեկույցում:
«2018 թվականին էներգապաշարների պահանջարկի մեծանալու պատճառով CO2-ի գլոբալ արտանետումները՝ կապված էներգետիկայի հետ (անցյալ տարվա համեմատությամբ) աճել են 1,7 տոկոսով՝ մինչև 33,1 գիգատոննա CO2 (մեկ գիգատոննան հավասար է 1 միլիարդ տոննայի)»,- նշում են հետազոտության հեղինակները:
«Արտանետումների ավելացման 85 տոկոսը բաժին Է ընկել Չինաստանին, Հնդկաստանին և ԱՄՆ-ին, մինչդեռ Գերմանիայում, Ճապոնիայում, Մեքսիկայում, Ֆրանսիայում և Մեծ Բրիտանիայում դրանք կրճատվել են»,- նշված է զեկույցում: Էներգապաշարների պահանջարկի զգալի աճը, ԷՄԳ-ի ղեկավար Ֆաթիհ Բիրոլի խոսքով՝ «անակնկալ է դարձել շատերի համար» և էլ ավելի դժվարացրել երկրների կողմից այն նպատակներին հասնելը, որոնք կապված են գլոբալ կլիմայի հետ:
