Երջանիկ Աբգարյան. «Հայաստանի հեղափոխական իշխանությունը պետք է ձեռնպահ մնա ՀԽՍՀ կոմունիստական իշխանության 2 կոպիտ սխալները կրկնելուց»
Advertisement 1000 x 90

Երջանիկ Աբգարյան. «Հայաստանի հեղափոխական իշխանությունը պետք է ձեռնպահ մնա ՀԽՍՀ կոմունիստական իշխանության 2 կոպիտ սխալները կրկնելուց»

Հայաստանի հեղափոխական իշխանությունը պետք է ձեռնպահ մնա ՀԽՍՀ կոմունիստական իշխանության 2 կոպիտ սխալները կրկնելուց, որոնցից, տարիներ անց, հրաժարվեցին հենց իրենք՝ կոմունիստները: Դրանք են Հայաստանում բամբակ աճեցնելը եւ ոչխարաբուծությունն ընդլայնելը:

Առաջինի կարիքը կարելի է բավարարել մասնավորապես Եգիպտոսից ներմուծելով աշխարհի ամենաորակյալ բամբակը: Եթե մենք ուզում ենք որակյալ տեքստիլ արդյունաբերություն ունենալ,պետք է հրաժարվել միջինասիական կամ տեղական բամբակից, որոնք որակի առումով հիմնովին զիջում են համաշխարհային շուկայում առկա բամբակի որակին եւ տեսականուն:

Իսկ երկրորդի՝ ոչխարաբուծության ընդլայնման վնասակարությունը արոտավայրերի անապատացման վտանգով է պայմանավորված եւ այդ իսկ պատճառով կառավարությունը պարտավոր է գյուղատնտես գիտնականների խորհրդով երկրում սահմանել ոչխարի գլխաքանակի ողջամիտ թիվը եւ մշտական հսկողություն սահմանել դրա պահպանման վրա:

Երջանիկ Աբգարյանի ֆեյսբուքյան էջից: