Դալայ լամային դուրս են գրել հիվանդանոցից. AFP
Advertisement 1000 x 90

Դալայ լամային դուրս են գրել հիվանդանոցից. AFP

Տիբեթցի բուդդայակայանների առաջնորդ Դալայ լաման ապրիլի 12-ի առավոտյան դուրս է գրվել Նյու Դելիի հիվանդանոցից: Այդ մասին հայտնել է AFP գործակալությունը՝ վկայակոչելով Դալայ լամայի անձնական քարտուղարին:

«Դալայ լաման հիվանդանոցից դուրս է եկել ժամը 08:00-ին: Այժմ նա իրեն շատ լավ է զգում»,- գործակալությունը մեջբերել է քարտուղարի խոսքը:

Ապրիլի 9-ին Դալայ լամա 14-րդը, գտնվելով Դհարմսալա քաղաքի իր նստավայրում, տկարություն էր զգացել: Բժիշկները նրա մոտ թոքերի վարակ էին ախտորոշել և ուղարկել Նյու Դելիի հիվանդանոց:

Դալայ-լաման տիբեթցի ժողովրդի հոգեւոր առաջնորդն է: 1959 թվականին նա հեռացել է Չինաստանից և այդ ժամանակից ի վեր ապրում է Հնդկաստանում:

1989 թվականին Դալայ-լաման արժանացել է խաղաղության Նոբելյան մրցանակի:

Չինաստանի իշխանությունները նրան հայտարարել են օրենքից դուրս՝ որպես տիբեթցի անջատականների ղեկավարի: