Տպել
Ռազմական վերլուծաբան Աշոտ Ասատրյանը ֆեյսբուքյան իր էջում գրել է.
«Ադրբեջանի ՊՍԾ պետը Հասանովից շատ է բարձրանում դիրքեր։ Էլչին Գուլիևը՝ «Գազախ» սահմանային ջոկատի սահմանային մարտական կետում ստուգել է ծառայողական, մարտական գործունեությունը: Այս հատվածում Հայաստանի հետ սահմանին կանգնած են պետական սահմանապահ ծառայության զինվորներն ու վերջին շրջանում, երբ Ադրբեջանում կրկին ակտիվացել է Պաշտպանության նախարարի դեմ տարվող հակաքարոզչությունը, ծառայության պետն ավելի շատ է լինում դիրքերում, քան Զաքիր Հասանովը։ Վերջինս խելքը դրել է միջազգային կառույցների և դեսպանների հետ հանդիպմանը․ երևի նման կերպ փորձում է պահել պաշտոնը։ Սակայն արդեն կա շրջանառվող կարծիք, թե Պաշտպանության նախարարին պաշտոնից հեռացնելու գործն իր վրա է վերցրել հենց Գուլիևն ու պատրաստվում է զբաղեցնել այդ պաշտոնը։ Էլչին Գուլիևն առաջնագծում պարգևատրել է նաև գյուղացիներին՝ ռազմական համագործակցության համար»:
