«Եթե Դավիթ Սանասարյանը հայտարարում է, որ իր դեմ գործը շինծու է, ինչից ելնելով Միհրան Պողոսյանը պետք է վստահ լինի, որ իր նկատմամբ կիրականացվի օբյեկտիվ և անաչառ քննություն»

Արգիշտի Կիվիրյանը ֆեյսբուքյան իր էջում գրում է. «ԴԱՀԿ նախկին պետ Միհրան Պողոսյանի կողմից Ռուսաստանում քաղապաստան հայցելու կապակցությամբ տարակուսելը ո՞րս ա։ Եթե այս իշխանությունների կառկառուն ներկայացուցիչ Դավիթ Սանասարյանը հայտարարում է, որ իր դեմ գործը շինծու է, իսկ իր փաստաբանը նշում է, որ «Սանասարյանի նկատմամբ քաղաքական հետապնդում է իրականացվում», ապա ինչից ելնելով նախկին իշխանության ներկայացուցիչ Միհրան Պողոսյանը պետք է վստահ լինի, որ իր նկատմամբ կիրականացվի օբյեկտիվ և անաչառ քննություն։

«Նոր Հայաստանում» ո՞վ կարող է երաշխավորել, որ Միհրան Պողոսյանի դեմ այս գործի իրական նպատակը արդարադատության իրականացումն է, այլ ոչ թե ներկայիս իշխանության մաս կաղմող խիստ համեստ երիտասարդները, ասենք, չեն փորձելու նրա ունեցվածքի հաշվին կտրուկ բարելավել իրենց անձնական ֆինանսական միջոցները․․․»: