Տպել
«Նիկոլ Փաշինյանը հոկտեմբերի 2-ին հասարակությանը բերեց հակաօրինական քայլի: Նա լիազորությունների շրջանակից դուրս եկավ, նա չարաշահեց իր նկատմամբ հանրության վստահությունը և մեկ ֆեյսբուքյան կոչով կարողացավ ստվար զանգված հավաքել և մանիպուլյատիվ քայլերով ներկայացրեց սխալ մեկնաբանություն, թե ԱԺ-ն պատրաստվում է ընդունել մի օրենք, որը հնարավորություն չի տալու անցկացնել արտահերթ խորհրդարանական ընտրություններ: Իսկ իրականությունն այլ էր»,— մամուլի ասուլիսի ժամանակ ասաց ԱԺ նախկին պատգամավոր, ՀՅԴ անդամ Արմենուհի Կյուրեղյանը:
Այնինչ Սահմանադրական դատարանը սահմանադրությանը համապատասխանող է ճանաչել օրենքը, որի շուրջ աղմուկ բարձրացավ ժամանակին։ Ըստ Կյուրեղյանի՝ սա ուղերձ էր հանրությանը, որ այն ամենը ինչ-որ մանիպուլյացիայի կարգով հայտարարվում է հանրությանը, չընդունվի որպես միակ և անհերքելի ճշմարտություն՝ թեկուզ դա ասում է Նիկոլ Փաշինյանը:
Ինչ վերաբերվում է մարզպետների և նախարարների՝ վարչապետի կողմից հոկտեմբերի 2-ին լիազորությունների դադարեցնելուն, նախկին պատգամավորը նշեց, որ դա ևս եղել է վարչապետի մանիպլյացիանիերից մեկը. «Մինչ այդ մենք հետ էինք կաչել նախարաներին, մարզպետներին: Քանի դեռ հանրությունը տեղյակ չէր, վարչապետն առաջ ընկավ նորից ձև արեց, նորից մանիպուլյատիվ քայլի գնաց»:
Մանրամասն՝ տեսանյութում։
