Հնդկաստանը նախապատրաստվում է հզոր ցիկլոնի. հազարավոր մարդիկ են տարհանվել
Advertisement 1000 x 90

Հնդկաստանը նախապատրաստվում է հզոր ցիկլոնի. հազարավոր մարդիկ են տարհանվել

Հնդկաստանը պատրաստվում է արևադարձային ցիկլոնի, որը կարող է լինել վերջին 5 տարիների ընթացքում ամենահզորը: BBC-ի փոխանցմամբ՝ «Ֆանի» անվանումը ստացած ցիկլոնը շարժվում է երկրի արևելյան ափեր և ցամաք կհասնի առաջիկա երկու օրերի ընթացքում:

Ցիկլոնի ճանապարհին ընկած գյուղերից արդեն հազարավոր մարդիկ են տարհանվել:

Իշխանությունները փակել են Հնդկաստանի արևելյան ափերին գտնվող երկու խոշոր նավահանգիստ: Փակվել են նաև դպրոցները և համալսարանները:

Վտանգավոր գոտիներից պետք է տարհանվի շուրջ 800 հազար մարդ:

Հնդկաստանի իշխանությունները հայտարարել են, որ ավելի քան 850 ապաստարան են կառուցել, որտեղ հնարավոր կլինի տեղավորել մոտ 1 մլն մարդու:

shantnews.am