Տպել
Ֆրանսիացի գիտնականները պարզել են միայնության բացասական կողմը։ Վերսալի համալսարանի (Սեն-Քվենթին ան Իվլին) մասնագետների իրականացրած հետազոտության համաձայն՝ միայնակ մարդիկ հոգեկան հիվանդությունների ենթարկվելու ավելի մեծ հավանականություն ունեն։
Հետազոտության շրջանակում վերլուծվել են 16-64 տարեկան 20,5 հազար մարդու տվյալներ։ Նրանք բոլորն էլ ապրել են Անգլիայում եւ եղել հոգեկան առողջության ազգային զննման մասնակիցներ։ Փորձարկվողները ներկայացրել են տվյալներ իրենց քաշի, հասակի, ալկոհոլից կամ թմրանյութերից կախվածության առկայությունը կամ բացակայությունը, ինչպես նաեւ սոցիալական ինտեգրման մակարդակը։
Հետազոտության տարբեր շրջաններում՝ 1993-ին, 2000-ին եւ 2007-ին, իրեն միայնակ է զգացել փորձարկվողների 8,8, 9,8 եւ 10,7 տոկոսը՝ համապատասխանաբար։ Միայնակների մեջ հոգեկան խանգարումները ավելի շատ են տարածված եղել, ընդ որում՝ այդ կապը նկատվել է անկախ տարիքից եւ սեռից։
Ելնելով ստացված տվյալներից՝ PLOS ONE ամսագրում հրապարակված հոդվածում գիտնականները կոչ են անում ավելի մեծ ուշադրություն հատկացնել միայնության գլոբալ տարածման խնդրին։
