Տպել
Ինչպես հայտնի է ԱՄՆ աստղերի մեծ մասը քարոզում էին ընտրել Հիլարի Քլինթոնին, ով ավելի լոյալ դիրք ունի սեռական փոքրամասնությունների հարցում:
Աստղերից շատերը քարոզարշավի ժամանակ անգամ խոսք են տվել, որ կհեռանան Նահանգներից, եթե Թրամփը դառնա նախագահ:
Հիմա հերթը Թրամփինն է, ով ասաց, որ իր դեմ խոսողների լեզվից ոչ մեկը չէր բռնել, իսկ հիմա թող կատարեն իրենց խոստումը:
Ո՞վ էր պատրաստվում փոխել քաղաքացիությունը…
Մայլի Սայրուս
Սեռական փոքրամասնությունների իրավունքների պաշտպաններից է՝ Մայլի Սայրուսը: Սոցցանցերում արդեն հարցնում են. «Հը, ի՞նչ կա Կանադայից…»:
Էմի Շումեր
Թրամփի հաղթանակից հետո սթենդափ կատակերգու Էմի Շումերը հայտարարել է, որ միտքը փոխել է…
Վուպի Գոլդբերգ
Վուպին հայտարարել էր, որ ամերիկացի քաղաքական գործիչները շեղվել են ճանապարհից, երկիրը տանում են դեպի ռասիզմ և խավարամտություն, և խոստացել է լքել երկիրը Թրամփի հաղթանակի դեպքում: Երկրպագուները շունչները պահած են…
Սեմյուել Լ. Ջեքսոն
Ռասայական խտրականությունից անհանգստացած՝ Սեմյուել Լ. Ջեքսոնը հիշել է, թե ինչպես մի անգամ գոլֆ է խաղացել Թրամփի հետ: Թրամփը խաղի ժամանակ անընդհատ խաբել է և հաղթել: Այդ պատմության եզրահանգումը դերասանն ինքն իր համար արել է. եթե Թրամփը նախագահ դառնա, կտեղափոխվեմ Հարավային Աֆրիկա:
Արմի Համեր
Դերասանը որոշել է տեղափոխվել Կարիբյան ավազանի երկրներից որևէ մեկը և զբաղվել հիդրոցիկլերի վարձույթով:
Էմբեր Ռոուզ
Քլինթոնի հաղթանակին հավատացած Էմբեր Ռոուզը բազմիցս խոսել է երկիրը լքելու մասին, եթե հաղթի Թրամփը:
Նիվ Քեմփբել
Նիվը մեծացել է Կանադայում: Խոստացել է, որ Թրամփի հաղթանակի դեպքում կվերադառնա այնտեղ, որտեղից եկել է:
Ջորջ Լոպես
Լոպեսը առանց հապաղելու վերադարձել է Մեքսիկա: Նա վստահ է, որ Թրամփը հատուկ վերաբերմունք է դրսևորելու ոչ լեգալ ճանապարհով ԱՄՆ-ում հայտնվածների հանդեպ:
Շեր
Երգչուհին խոստացել է անգամ Յուպիտեր թռչել, եթե հաղթի Թրամփը: Թվիթերյան երկրպագուները աշխարհի տարբեր ծայրերում անշարժ գույքի վաճառքի հայտարարություններ են ուղարկում իրենց սիրելի երգչուհուն, իսկ ավելի ցինիկները խորհուրդ են տալիս զբաղվել տիեզերական տուրիզմով:
Բարբրա Սթրեյզանդ
Այսքան կտրուկ ելույթ նրանից չէին սպասում: Հոլիվուդի Պրիման խոստացել է անմիջապես լքել երկիրը, Թրամփի հաղթանակի դեպքում: Սակայն հիմա հրաժարվում է բոլոր տեսակի մեկնաբանություններից:
elle.ru
Հ.Գ. Աստղերին մեկտեղելու ընթացքում անընդհատ այս երգն էի հիշում, ոչինչ չես անի, սա Ամերիկան է:
Հրապարակման պատրաստեց Պողոս Վարժապետյանը
