Տպել
Բագրատաշենի մաքսատանն արդեն 5-րդ օրն է՝ լարված իրավիճակ է։ Պատճառը Թուրքիայից երեք տարբեր տուրիստական ընկերությունների միջոցով բերված ապրանքներն են, որոնք մաքսատանը խառնվել են իրար։
Հինգերորդ օրն է, որ առևտրականները գիշերում են մաքսակետի անգարում, և նրանց հսկում են ԱԱԾ սահմանապահ զորքերի աշխատակիցները։
Առևտրականները պնդում են, որ իրենց ապրանքները մաքսազերծված են, թղթերը կան, բայց իրենց անհայտ պատճառներով պահում են անգարում։
Araratnews.am-ը խոսեց ԱԱԾ մամլո խոսնակ Սամսոն Գալստյանի հետ՝ պարզելու, թե ինչ է կատարվում անցակետում։
«Քննություն է տարվում, հետագայում կպարզաբանենք»,- նշեց Գալստյանը։
Դիտարկմանը՝ ինչո՞ւ են ԱԱԾ սահմանապահ զորքերի աշխատակիցները 5 օր հսկում առևտրականներին, ԱԱԾ խոսնակը պատասխանեց․ «Այս պահին փոխանցելու տեղեկատվություն չունենք, հետո ավելի մանրամասն կպարզաբանենք»։
