«Համառոտ ներկայացնեմ Հարկային նոր օրենսգրքով նախատեսված հիմնական բարելավումները». Գևորգ Պապոյան

ԱԺ «Իմ քայլը» խմբակցության պատգամավոր Գևորգ Պապոյանը ֆեյսբուքյան իր էջում գրել է.

«Հարգելի քաղաքացիներ, Աժ տնտեսական հարցերի մշտական հանձնաժողովում դրական եզրակացություն է ստացել Հարկային օրենսգրքի նախագիծը։ Տեղեկացնեմ, որ նախագծի հետ կապված ավելի քան 1 տասնյակ առաջարկներ եմ ուղարկել կառավարություն և հուսով եմ` դրանք կընդունվեն։ Այժմ համառոտ ներկայացնեմ Հարկային նոր օրենսգրքով նախատեսված հիմնական բարելավումները։

1. ԱԱՀ-ի շեմը 58,35 մլն-ից կդառնա 115 մլն դրամ՝ ընդ որում հետադարձ ուժով 2018-ի համար։

2. Կվերանա եկամտահարկի եռաստիճան համակարգը և ներկայիս գործող 23%, 28% և 36% դրույ­­­քա­չա­փերին 2019-ի սեպտեմբերի 1-ից փոխարինելու է մեկ միասնական դրույքաչափ՝ 23%։

3. Մինչև 2023-ը եկամտային հարկի դրույ­քա­չափն աստիճանաբար նվազեցվելու է մինչև 20%՝ այսպիսով նվազելով բոլոր աշխատակիցների համար։

4. Ինքնազբաղված անձանց համար գործող առավելագույն 9 մլն դրամ սահմանաչափը կբարձրանա և կդառնա 24 մլն դրամ, քանի որ այսուհետ նրանք կհամարվեն միկրոձեռնարկատիրական սուբյեկտ։

5. Ընտանեկան ձեռնարկատիրության համար գործող առավելագույն 18 մլն դրամ սահմանաչափը կբարձրանա և կդառնա 24 մլն դրամ, քանի որ այսուհետ նրանք կհամարվեն միկրոձկռնարկատիրական սուբյեկտ։

6. Միկրոձեռնարկատիրական սուբյեկտները (մինչև 24մլն շրջանառություն), ըստ էության, ազատվում են բոլոր պետական հարկերի հաշվարկման և պետական բյուջե վճարման պարտավորությունից։

7. Շահութահարկի դրույքաչափը 20%-ից դառնում է 18%։

8. Օտարերկրյա քաղաքացիների դիվիդենտները գործող 10%-ի փոխարեն հարկվելու են 5%-ով»։