Տպել
Գելային փամփուշտներով մանկական ատրճանակները կարող են աչքերի լուրջ վնասվածքների պատճառ դառնալ:
The Daily Mail-ը BMJ Case Reports-ի զեկույցին վկայակոչելով հաղորդում է, որ Քվինսլենդի մանկական հիվանդանոցից բժիշկները հայտնել են գելային փամփուշտներով աչքի վնասման երկու դեպքի մասին:
Առաջին պացիենտը եղել է 14-ամյա դեռահասը, որի աչքին փամփուշտը դիպել է 10 մ հեռավորությունից: Դրանից հետո նրա մոտ ուժեղ ցավ և փսխում է սկսվել, վատթարացել է տեսողությունը: Աչքերի ճնշումը 3 անգամ գերազանցել է նորման, աչքի մեջ հեմատոմա է առաջացել, եղջերաթաղանթում՝ 3մմ քերծվածք, իսկ բիբը լայնացել է:
Բուժման համար 3 շաբաթ է պահանջվել, որոնցից 2-ը դեռահասը անցկացրել է անկողնում՝ գլուխը բարձր պահած:
Երկրորդ տուժողը 4-ամյա տղա է, որին մոտ եհռավորությունից աչքին կրակել է հարազատ եղբայրը:
Գելային փամփուշտը եղջերաթաղանթի պատռվածք է առաջացրել:
Երկու պացիենտներին լիրաժեք ապաքինման համար 2 ամիս է պահանջվել, սակայն նրանց մշտական մոնիթորինգ է անհրաժեշտ գլաուկոմայի վաղ հայտնաբերման համար:
Բժիշկները նշում են, որ տուժողները կարող էին զրկվել տեսողությունից, եթե չլիներ ժամանակին արված բուժումը:
Այժմ երկուսի մոտ գլաուկոմայի և ինֆեկցիաների զարգացման բարձր վտանգ կա:
Այդ կապակցությամբ բժիշկները կոչ են անում զգոն լինել նման հեռախոսներով խաղալու ժամանակ և առավելագույնս պաշտպանել աչքերը: Բժիշկները նաև խորհուրդ են տալիս անչափահասների համար նման ատրճանակներ չգնել:
Բացի այդ նշվել է նրանց վաճառքը կարգավորելու անհրաժեշտությունը, ինչպես դա արվում է սթրայքբոլի և փեյնթբոլի հետ կապված դեպքում:
