Տպել
Ֆրանսիայի նախկին նախագահ Նիկոլա Սարկոզին նոր գիրք է գրել, որը պատմում է իր քաղաքական կարիերայի մասին՝ նախքան 2007 թվականին Ելիսեյան պալատ գալը: Նախկին նախագահի հուշագրությունը Ֆրանսիայում վաճառքում կլինի հունիսի 27-ից:
350 էջանոց ինքնակենսագրական գիրքն ունի «Կրքեր» վերնագիրը, այն լույս է տեսնելու 200 հազար տպաքանակով: Գիրքը պատմում է քաղաքականության մեջ Սարկոզիի առաջին քայլերի մասին:
Սարկոզիի շրջապատից հայտնում են, որ այն խիստ անձնական է: Ֆրանսիական ԶԼՄ-ները նշում են, որ թեպետ նախկին նախագահը «հուշագրությունը գրել է այս տարի, սակայն նման գաղափար է ունեցել երկար ժամանակ»: Չի բացառվում, որ նա գրի նաև գրքի շարունակությունը, որը կառնչվի արդեն նախագահական տարիներին:
