Տպել
Խոշոր սթրիմինգային Netflix սերվիսը հրաժարվում է ցուցադրել ծխելու տեսարաններ կինոժապավեններում, որոնք թույլատրված են մանկական լսարանի դիտման համար։ Որոշումը կանդրադառնա այն սերիալներին, որոնց ցուցադրումը թույլատրված է 14-ից ցածր տարիքի երեխաների համար, ինչպես նաեւ լիամետրաժ ֆիլմերին, որոնք թույլատրված են 13-ից ցածր տարիքի երեխաների համար։
Ինչպես ասվում է ընկերության հայտարարությունում, որոշումը տարածվում է ինչպես սովորական ծխախոտների, այնպես էլ վեյփերի վրա։ Բացի այդ, կինոդիտողները նախապես զգուշացվում են այն մասին, որ այս կամ այն ֆիլմում կան ծխելու տեսարաններ։
Netflix-ը ընդգծում է, որ ծխելը վտանգ է պարունակում եւ կարող է բացասաբար ազդել երիտասարդների վրա, եթե այդ պրոցեսը ցուցադրվում է դրական համատեքստում։
Ընկերությունը խոստովանում է, որ որոշումն ընդունվել է այն հաշվառմամբ, որ, համաձայն The Truth Initiative կազմակերպության հետազոտության, հենց Netflix-ն է, սթրիմինգային այլ սերվիսների համեմատ, հաճախ իր ֆիլմերում ու սերիալներում ցուցադրում ծխելու տեսարաններ։
