Տպել
Երգչուհի Նունե Եսայանը նոր ֆոտոշարք ունի, որտեղ ներկայացել է իրեն բնորոշ դասական կերպարով: Նունեն լուսանկարները տրամադրել է Tert.am Life-ին և ասել, որ նոր ֆոտոշարքն իր արխիվը համալրելու համար էր:
Նոր լուսանկարները, թեև դասական ոճում են, հասցրել են քննարկումների տեղիք տալ: 49-ամյա երգչուհին իր տարիքից ավելի երիտասարդ է երևում, ինչը նկատել են շատ երկրպագուներ, սակայն ոմանք էլ կարծիք են հայտնել, թե ավելի երիտասարդ երևալու համար նա դիմել է պլաստիկ վիրահատությունների: Երգչուհին շտապեց հերքել այս խոսակցությունները:
«Երբևէ որևէ պլաստիկ միջամտության չեմ դիմել, ոչ քիթս, ոչ շրթունքներս, ոչ էլ որևէ այլ բան չեմ փոփոխել, ոչինչ չեմ ավելացրել կամ պակասացրել ինձ վրա, երիտասարդացնող միջոցների էլ չեմ դիմել: Չեմ էլ պատրաստվում որևէ փոփոխության դիմել»,- նկատեց երգչուհին:
Ի դեպ, լուսանկարներից մեկում երևում են երգչուհու ձեռքերի դաջվածքները՝ «Հ» և «Է» տառերը, որոնք խորհրդանշում են նրա և դերասան Ավո Խալաթյանի երեխաների՝ Հենրիի և Էլիզաբեթի անվան սկզբնատառերը: Նունեն ասաց, որ դաջվածքներմ արել է դեռ 4 տարի առաջ, պարզապես այս լուսանկարում ընդգծված են:
Ամբողջությամբ՝ life.tert.am
