Օլիվեր Սթոունը Վլադիմիր Պուտինին խնդրել է դառնալ իր դստեր կնքահայրը
Advertisement 1000 x 90

Օլիվեր Սթոունը Վլադիմիր Պուտինին խնդրել է դառնալ իր դստեր կնքահայրը

Հնարավոր է` Ռուսաստանի նախագահ Վլադիմիր Պուտինը դառնա ամերիկացի ռեժիսոր Օլիվեր Սթոունի դստեր կնքահայրը։

Հայտնի կինոգործչի հետ հարցազրույցի ժամանակ Պուտինը պատմել է, որ ուկրաինացի քաղաքական գործիչ Վիկտոր Մեդվեդչուկը, որին լավ է ճանաչում, խնդրել է մասնակցել իր դստեր մկրտությանը։

«Մեր ուղղափառ ավանդույթի համաձայն` հրաժարվել չի կարելի», – պարզաբանել է Պուտինը և ընդգծել, որ կնքահայր լինելը միշտ մեծ պատիվ է։

«Այդ դեպքում ես կխնդրեի ձեզ դառնալ իմ դստեր կնքահայրը», – առիթը բաց չի թողել Սթոունը։

Պուտինն իր հերթին հետաքրքրվել է, թե որ եկեղեցուն է նա հարում և արդյո՞ք ուղղափառ է։

«Մենք նրան կդարձնենք», – վստահեցրել է Սթոունը ռուս առաջնորդին։

«Բայց պետք է նրան հարցնել», – պնդել է Պուտինը։

Ռեժիսորն ասել է, որ իր դուստրը հավատացյալ է, դաստիարակվել է քրիստոնեական ավանդույթներով, և մկրտությունը հնարավոր է, «եթե միայն նա այդ եկեղեցուն հարի»։

«Իհարկե։ Քանի՞ տարեկան է նա», – հետաքրքրվել է նախագահը։

Սթոունը պատասխանել է` 22, և հետաքրքրվել, թե քանի երեխայի կնքահայր է նախագահը։

Պուտինը կոնկրետ թիվ չի նշել, բայց ասել է, որ քիչ են։

armeniasputnik.am