Տպել
25-ամյա Քեյթլին Սթաբսը Ավստրալիայից առողջ երեխա է ծննդաբերել՝ կոմայի մեջ գտնվելով։
Ինչպես տեղեկացնում է News.com.au-ն, Քեյթլինի մոտ ախտորոշել են զարկերակա-երակային մալֆորմացիա եւ ուղարկել ճառագայթային թերապիայի։ Շուտով նա հղիացել է եւ հրաժարվել բուժումից՝ պտղին չվնասելու համար։
Հուլիսի 23-ին՝ հղիության ութերորդ ամսում (32 շաբաթ), կնոջ մոտ գլխուղեղի անոթի անեւրիզմ է տեղի ունեցել, եւ նա ընկել է կոմայի մեջ։ Հուլիսի 24-ի գիշերը բժիշկները անհապաղ նրան կեսարյան վիրահատության են ենթարկել։
Նորածինը, որին տվել են Քուին անունը, կյանքի առաջին երեք շաբաթներն անցկացրել է ինտենսիվ թերապիայի բաժանմունքում։ Այժմ աղջկա մասին, որն արդեն մեկուկես ամսական է, հոգում է նրա հայրը։ Մայրը հիվանդանոցում է, բժիշկներն ասում են, որ նրան երկարատեւ վերականգնում է անհրաժեշտ։ Այժմ նա տառապում է հիշողության կորստով եւ պարբերաբար մոռանում է, որ երեխա ունի։
