««Սասնա ծռեր» կուսակցության առաջնորդի հետ վարչապետի հանդիպումները անհարգալից վերաբերմունքի նշան են ոստիկանության հանդեպ»

Լրագրող Հայկ Խալաթյանն իր ֆեյսբուքյան էջում գրում է. ««Սասնա ծռեր» կուսակցության առաջնորդ Ժիրայր Սէֆիլյանին առաջին անգամ հրավիրել են մասնակցելու Հայաստանի Անկախության օրվա տոնակատարություններին… Մի կուսակցության առաջնորդի, ով մինչ այժմ նորմալ է համարում ոստիկանների սպանությունը և բռնի մեթոդների կիրառումը քաղաքական պայքարի մեջ։

Հետաքրքիր է, թե ի՞նչ հաշվարկներ ունի ահաբեկիչների հետ կուլիսային խաղեր սկսած Փաշինյանը։ Մի՞թե նա մտածում է, որ նրանց կարող է վերահսկողության տակ պահել։ Իրենք` «Սասնա ծռերը» բազմիցս իրենց կարծիքն արտահայտել են Փաշինյանի մասին, մեղմ ասած, ոչ դրական կարծիքը։ Իսկ քանի որ նրանք չեն էլ զղջացել ու շնորհիվ Փաշինյանի` իրենց կատարած ահաբեկչական ակտի համար օրենքով նախատեսված պատիժը չեն էլ կրել, ապա իշխանության թուլացման կամ իրենց` նոր իշխանությունների հետ կոնֆլիկտ ունենալու դեպքում շատ մեծ է հավանականությունը, որ նրանք կրկին կարող են նման քայլերի գնալ։ Իսկ մինչ այդ վարչապետի հանդիպումները այդպիսի կուսակցության առաջնորդի հետ սեփական ոստիկանության հանդեպ անհարգալից վերաբերմունքի դրսևորումներ են։ Չնայած ո՞վ է առհասարակ վերջին ժամանակներս ոստիկանությանը բանի տեղ դնում որ…»:

https://www.facebook.com/gevorg.arakelyan.142/posts/2298231636951944