Կանադահայ հոկեյիստ Նարեկ Ալեքսանյանն իր կարիերան կշարունակի Կալիֆոռնիայում

Հանդես գալով կանադական Ռիվյեր-դյու-Լուիի հոկեյի թիմում, մեր հայրենակից Նարեկ Ալեքսանյանն այս տարի հանդես կգա Monsters de Fresno-ում, թիմ, որն ընդգրկված է ԱՄՆ արևմտյան նահանգների կազմում:

Պատանի Նարեկը հասցրել է իր ուժերը փորձել կանադական Մատանայում, Շերբրուքում, ապա՝ Ռիվյեր-դյու-Լուիում:

«Ժամանել եմ առանց վախի կամ անհանգստության, ասես Ռիվյեր-դյու-Լուիի արենայում լինեմ: Անկեղծ ասաց, անծանոթ միջավայր է, բայց դա խնդիր չէ: Նման մանրուքները ոչինչ չեն կարող փոխել: Ես արել եմ իմ քայլը»,- Ֆրեզնոյում հեռարձակվող հեռուստաալիքի ուղիղ եթերից ասել է թիմի ավագ Նարեկ Ալեքսանյանը:

cimtchau.ca

Նորանոր հաջողություններ մեր հայրենակցին:

Հրապարակման պատրաստեց Պողոս Վարժապետյանը