Տպել
Ալերգիայով տառապող երեխաները հետագայում ավելի հաճախ են սրտի խնդիրներ ունենում: Այս մասին հայտնում են ԱՄՆ Հյուսիս-արևմտյան համալսարանի գիտնականները: Նրանց տվյալներով՝ ալերգիայով տառապող երեխաները երկու անգամ ավելի հաճախ են սրտի խնդիրներ ունենում:
Վերլուծելով մինչև 17 տարեկան ավելի քան 13 000 երեխայի մասին տվյալներ, գիտնականները պարզել են, որ ասթմայով և խոտի տենդով տառապող երեխաների մոտ բարձր է եղել խոլեսթերինի մակարդակը: Բացի այդ, մեծացել է հիպերտոնիայի զարգացման ռիսկը: Դա կարող է սրտի ավելի լուրջ խնդիրների հանգեցնել, երբ երեխաները մեծանան:
«Ալերգիայով տառապող երեխաները հետագայում երկու անգամ ավելի հաճախ են սրտի խնդիրներ ունենում»,- նշել է հետազոտական խմբի ղեկավար Ջոնաթան Սիլվերբերգը:
Նրա խոսքով՝ ստացված տվյալները հիմք են տալիս կարծելու, որ ասթման և խոտային տենդը մեծացնում են բորբոքման մակարդակը, ինչը բացասաբար է ազդում սրտանոթային համակարգի վրա: Գիտնականը նշել է, որ մանկաբույժները պետք է հաշվի առնեն ալերգիկ հիվանդություններով երեխաների մոտ սրտի հետ կապված խնդիրների առաջացման ռիսկը:
