Տպել
Ռեփեր Քանյե Ուեսթի՝ կրոնով տարվելը չէր կարող չանդրադառնալ նրա ընտանիքի վրա։ Լինում են նաեւ կոնֆլիկտներ։ The Real շոուի ընթացքում տված նոր հարցազրույցում Քիմը Քարդաշյանը պամել է՝ ինչպես է ռեփերն իր համոզմունքներն առարկայացնում ընտանիքի անդամների առնչությամբ, հայտնում է Daily Mail-ը։
Իրապատում շոուի աստղի խոսքով՝ ինքն ամբողջությամբ աջակցում է Քանյեի հոգեւոր զարգացմանը. «Նա իմ ամուսինն է, եւ ես հարգում եմ նրա ընտրությունը։ Նրա կյանքում լուրջ փոփոխություններ են տեղի ունենում, որոնք վերաբերում են նաեւ մեր երեխաներին»։
Հոր խիստ կրոնական կանոնները հանգեցրել են նրան, որ մանկական սենյակներից անհետացել են հեռուստացույցերը։ Ռեփերն իր դուստերին արգելել է նաեւ օգտվել դիմահարդարումից։
Քարդաշյանը փորձել է ռեփերի հետ վիճել երեխաների դաստիարակության վերաբերյալ, սակայն հետո հաշտվել է։ Նա հավատացել է, որ այսպիսի ռադիկալ միջոցները լավ ազդեցություն կունենան նրանց զարգացման վրա։ Սակայն ընտանիքում խիստ վեճեր են սկսվում, երբ Քանյեն փորձում է այդ սկզբունքները պարտադրել կնոջը.
«Ես միշտ կլինեմ այնպիսին, ինչպիսին կամ… Դա չափավորության մասին երկար քննարկման ու վեճերի պատճառ է դարձել։ Ամուսնությունը հենց դա է։ Նա կանի բաներ, որոնց հետ ես համաձայն չեմ եւ հակառակը։ Բայց ես միշտ կաջակցեմ նրան»։
