Տպել
Դիզայներ Բիլ Ուայթենի արտադրանք – գուլպաներով փոփ թագավորը ելույթ էր ունեցել Motown 25: Yesterday, Today, Forever համերգին: Հենց այնտեղ էր, որ աշխարհն առաջին անգամ տեսավ Ջեքսոնի լեգենդար լուսնային քայլվածքը:
Մայքլ Ջեքսոնի ստրազերով զարդարված գուլպաները աճուրդի են հանվել: Մեկնարկային գինը 100 հազար դոլար է, սակայն մասնագետները գնահատում են խորաչափը մինչև 1-2 միլիոն:
Այդ գուլպաները Ֆրենկ Դիլեոյի անձնական հավաքածուի մաս են հանդիսանում ՝ Մայքլի անձնական մենեջերի, որը նրա հետ աշխատել է 1984-ից 1989 թվականներին: Ջեքսոնը դրանք նվիրել է Ֆրենկին՝ շնորհակալություն հայտնելով Victory Tour հաջող համաշխարհային շրջագայության կազմակերպման համար: Երկտողում, որը նույնպես վաճառվում է գուլպաների հետ, փոփ թագավորը գրում է.
«Նվիրում եմ քեզ այս գուլպաները ի նշան երախտագիտության, որ երբեք քեզ թույլ չտվեցիր թուլանալ Victory Tour –ի ընթացքում ……
Երախտագիտությամբ և սիրով
Մայքլ Ջեքսոն »
Աճուրդը կանցկացվի նոյեմբերի 13-ից 22-ը: Դիլեոյի հավաքածուից գուլպաներից բացի՝ կհանվեն աճուրդի Ջեքսոնի հետ կապված նաև այլ եզակի իրեր, գրում է Daily Mail- ը: Օրինակ՝ «Լուսնային քայլվածք» կինոնկարից ճանապարհային նշանը, որի մեկնարկային գինը կազմում է ընդամենը հազար դոլար:
