Տպել
Այս տարվա նոյեմբերին ռեկորդային՝ արդեն վեցերորդ թայֆունն է առաջացել Մարիանյան կղզիների շրջանում և ժամում 35 կիլոմետր արագությամբ շարժվում է դեպի հյուսիս – արևմուտք՝ Ֆիլիպինների կողմը: Նոյեմբերի 26-ին այդ մասին իր կայքում հայտնել է Ճապոնիայի ազգային օդերևութաբանական վարչությունը:
Գերատեսչությունը նաև նավատերերին և նավապետերին հորդորել է այդ շրջանում պահպանել նախազգուշության առավելագույն միջոցները՝ նշելով, որ այնտեղ քամու պոռթկումները հասնում են վայրկյանում 25 մետրի, և, փորձագետների գնահատումներով՝ կսաստկանան:
Ներկայիս թայֆունն այս տարի արդեն 28-րդն է Խաղաղ օվկիանոսում: Նոյեմբերին վեց թայֆունը ռեկորդ է դիտարկումների ամբողջ պատմության ընթացքում: Սովորաբար Խաղաղ օվկիանոսում դրանք առավել ակտիվորեն առաջանում են ամռանը և աշնան սկզբին, հավելել են օդերևութաբանական ծառայությունում:
