Տպել
Վերլուծաբանները գնահատել են, թե որ ֆիլմերը 2020թ.-ին «Օսկար» մրցանակի արժանանալու ավելի շատ շանսեր ունեն։ Ցանկը հրապարակվել է Gold Derby կայքում, որը ներկայացնում է առաջատար պարբերականների փորձագետների կանխատեսումները։
Հաղթանակի գլխավոր հավակնորդը Մարտին Սկորսեզեի «Իռլանդացին» ֆիլմն է, որի սցենարիստը Սթիվեն Զաիլյանն է։ Երկրորդ տեղում Քվենտին Տարանտինոյի «Մի անգամ Հոլիվուդում» ժապավենն է, երրորդում՝ Նոա Բաումբախի «Ամուսնական պատմությունը»։
Սկորեզեի անունը նշվում է նաեւ որպես գլխավոր հավակնորդ ռեժիսորների շարքում։ Նրան հաջորդում է Տարանտինոն։ Եռյակն ամփոփում է Պոն Ջունը, որը նկարահանել է «Մակաբույծները»։
Ըստ վերլուծաբանների՝ դերասանուհիների շրջանում ավելի շատ շանսեր ունեն Ռենե Զելվեգերը, Սքարլեթ Յոհանսոնը եւ Շարլիզ Թերոնը։ Դերասանների շարքում նշվում են Խոակին Ֆենիքսի, Ադամ Դրայվերի եւ Ռոբերտ դե Նիրոյի անունները։
