Տպել
Հայտնի հեռուստահաղորդավար, վերջին շրջանում նաև բիզնես լեդի Թինա Կանդելակին Տելեգրամի իր ալիքում տեղադրել է ամուսնու՝ Վասիլի Բրովկոյի հարցուզրույցը:
Մեկնաբանելով ամուսնու հարցազրույցը՝ Կանդելակին հիշել է հայուհի մայրիկից լսած խոսքերը:
«Ինչպես ասում է մայրս, «խելքի բուն ա»: Հպարտանում եմ»,-գրել է նա:
Թինան իսկապես հպարտանալու տեղ ունի: Երբ նա հանդիպեց Վասիլիին, վերջինիս քչերն էին ճանաչում։ Բրովկոն ոչ միայն չվախեցավ տարիքային տարբերությունից (12 տարի փոքր է Թինայից), այլև հաղորդավարուհու ճանաչված ու սիրված լինելուց։ Նա ամուսնության առաջարկ արեց գեղեցիկ, խելացի և հարուստ կնոջը:
Հարցազրույցներից մեկի ժամանակ հեռուստահաղորդավարուհին խոստովանել է, որ Վասիլին իր բոլոր երկրպագուներից ամենաանվախն էր:
