Տպել
Ուկրաինայի նախկին նախագահ Վիկտոր Յանուկովիչը, որը 2014 թվականի փետրվարին տապալվել էր Արժանապատվության հեղափոխության ընթացքում և փախել Ռուսաստան, որպես վկա է հանդես եկել Կիևում բողոքի գործողությունների մասնակիցներին գնդակահարելու գործով:
Վիկտոր Յանուկովիչը, որը գտնվում է Դոնի Ռոստովում, Կիևի Սվյատոշինսկի շրջանի դատարանի նիստին մասնակցել է տեսակապի օգնությամբ: Նա որպես վկա է անցնում «Բերկուտ» հատուկ ստորաբաժանման նախկին հինգ աշխատակիցների դեմ քրեական գործով, որոնց մեղադրում են 2014 թվականի փետրվարին Մայդանի ակտիվիստներին գնդակահարելու մեջ:
Այն ժամանակ զոհվեց ավելի քան 100 մարդ, ևս 600-ը ճանաչվեցին տուժածներ:
Ինչպես նշում Է BBC-ն, նախկին նախագահն ուկրաինացի քննիչների հետ առաջին անգամ է շփվել երկրից փախչելուց հետո: Նրան հարցեր են ուղղել դատախազները, ինչպես նաև «Բերկուտ»-ի նախկին հինգ աշխատակիցների փաստաբանները:
