Տպել
Արքայական ընտանիքի անհաշտությունների մասին խոսվում է դեռևս 2018 թվականից, սակայն վերջին իրադարձությունները հիմնովին շոկի ենթարկեցին ոչ միայն թագավորական պալատը, այլև համայն մարդկությանը: Vnews-ը առանձնացրել է այն բոլոր ինտրիգները, որոնք պտտվեցին թագուհու և թոռան ընտանիքի շուրջ:
Անհաշտություններ թագավորական ընտանիքում
Թեև Բուքենհեմյան պալատը ոչ մի մեկնաբանություն չէր տալիս կատարվող դեպքերին սակայն մի շարք աղբյուրներ հայտնում են, որ իսկզբանե թագավորական ողջ ընտանիքը Մեգանի հանդեպ հակակրանք է ունեցել: Ասում են՝ Մեգանի բարդ բնավորության պատճառով նրանից հեռու էր մնում պալատի անձնակազմը, թագուհին դժգոհ էր, քանի որ Մեգանը չէր հետևում թագավորական ընտանիքի կարգուկանոնին, իսկ արքայազն Ուիլյամն անգամ չէր խոսում հարազատ եղբոր հետ Մեգանի պատճառով:
Հարաբերություններն էլ ավելի լարվեցին Ամանորին
Բանն այն է, որ Հարրին և Մեգանը նախընտրել էին Սուրբ Ծննդյան տոնը նշել ԱՄՆ-ում, ինչն այնքան էր զայրացրել թագուհուն, որ նա իր ամանորյա ուղերձին նախապատրաստվելուց առաջ աշխատանքային սեղանից հանել է Մեգան Մարքլի և արքայազն Հարրիի լուսանակարները: Փոխարենը Մեգան Մարքլն ու արքայազն Հարրին հետ չեն մնացել այդ ձևավորված ավանդույթից և Սուրբ Ծնունդի նախօրեին հրապարակել են իրանց ընտանեկան լուսանկարը՝ փոքրիկ Արչիի մասնակցությամբ:
Ամեն ինչ հանգեցրեց նրան, որ…
…Մեգանն ու Հարրին հրաժարվեցին արքայական արտոնություններից. զույգը որոշեց դառնալ «ֆինանսապես անկախ» և ապրել երկու մայրցամաքներում:Մեգանն ու Հարրին հայտնել են, որ լիովին աջակցում են թագուհուն, սակայն մտադիր են «նոր, պրոգրեսիվ դեր ստանձնել» միապետական համակարգում: Բացի այդ, նրանք պլանավորում են բնակություն հաստատել և՛ Բրիտանիայում, և՛ Ամերիկայում, ինչպես նաև բարեգործական ընկերություն հիմնելու պլաններ ունեն: Ինչպես հայտնում են լրատվամիջոցները, թագավորական պալատում ոչ ոք չի իմացել զույգի որոշման մասին:
Մադամ Տյուսոյի թանգարանը հանել է Մեգանի և Հարրի արձանները
Մադամ Տյուսոյի լոնդոնյան թանգարում թագավորական ընտանիքի արձանների շարքում այլևս չեք գտնի Մեգանի և Հարրիի արձանները: Այս մասին հայտնել է CNN-ը:
