Տպել
Կենդանակերպի յուրաքանչյուր նշանի ներկայացուցիչ ունի իր յուրահատուկ և հետաքրքիր առանձնահատկությունները: Խեցգետինները բացառություն չեն:
Մարդկանց, ովքեր ծնվել են Կենդանակերպի Խեցգետին նշանի տակ, աստղագուշակները հաճախ անվանում են ամենաչհասկացվածները և չբացահայտվածները: Գործունեության ժամանակը հունիսի 21-ից մինչև հուլիսի 22-ն է:
Խեցգետնի նշանի ներկայացուցիչներին հասկանալու համար նախ՝ անհրաժեշտ է հասկանալ՝ ինչն է նրանց կառավարում:
Հովանավոր մոլորակ – Լուսին:
Տարերք – Ջուր:
Կենդանակերպի Խեցգետին նշանի ներկայացուցիչների բնավորությունն ավելի ճշգրիտ հասկանալու համար պետք է իմանալ, թե ինչպիսի հատկություններով է օժտում մարդկանց Լուսինը:
Լուսինն ասոցիացվում է Հին Հունաստանի միանգամից մի քանի Աստվածուհիների հետ: Աստվածուհիներ, որոնք մարմնավորում են Լուսինը.
- Արտեմիս (Դիանա) – միշտ համարվել է կույս որսորդուհի: Արտեմիսը հունական դիցաբանությունում որսորդության, պտղաբերության մշտապես երիտասարդ աստվածուհին է։ Նաև Լուսնի աստվածուհին է (իսկ նրա եղբայր Ապոլոնը մարմնավորում էր Արեգակը)։
Արտեմիսը Զևսի ու Լետոյի դուստրն է և Ապոլոնի քույրը։ Ինչպես Ապոլոնը, նա նույնպես ծնվել է Դելոս կղզում։ Նրանք երկվորյակ քույր ու եղբայր են։
- Հերան (Յունոնա) հին հունական աստվածուհի է՝ ամուսնության և ընտանիքի հովանավոր, մայրության, բարոյական մաքրության սրբազան դիցուհին։ Քրոնոսի և Հռեայի երրորդ դուստրը, Զևսի կինը և քույրը։ Նաև Դեմետրայի, Հեստիայի, Հադեսի և Պոսեյդոնի քույրը։
- Պերսեփոնեն (Պրոզերպինա) հին հունական դիցաբանության մեջ՝ ընդերքի, ծլարձակման, պտղաբերության աստվածուհին է, Զևսի և Դեմետրայի դուստրը, Հադեսի կինը, ստորերկրյա աշխարհի թագուհին։
- Հեկատան (Տրիվիա) հին հունական դիցաբանության մեջ անդրերկրյա աստվածուհին էր։
Զարմանալի չէ, որ այսպիսի բարդ աստղագուշական հովանավորի պայմաններում Խեցգետինների բնավորությունը դժվար է կարդալ:
10 արտասովոր փաստեր Խեցգետինների մասին
Այս մարդիկ իսկապես կախված են Լուսնի փուլերից, ինչպես ջուրը: Դա նշանակում է, որ տարբեր ժամանակներում նրանց մոտ ի հայտ են գալիս տարբեր որակներ:
Խեցգետինների միշտ մնում են չբացահայտված գաղտնիք, ընդ որում, բացարձակապես բոլորի համար: Նրանք ունեն սկզբունք. ամեն ինչ պահել իրենց մեջ:
Խեցգետին նշանի ներկայացուցիչների զգացմունքները շատ հեշտ է վիրավորել, դրա համար նրանք դա պահում են իրենց մեջ: Չի կարելի ասել, որ նրանք ընդհանրապես ոչ մեկին չեն վստահում, բայց դա անում են շատ սահմանափակ ձևով:
Այն ամենը, ինչ անում են Խեցգետինները, անում են այնպես, որպեսզի պահպանեն իրենց և իրենց մոտ մարդկանց:
Զգացմունքները և էմոցիաները գրեթե ուղղակիորեն ազդում են Խեցգետինների ֆիզիկական առողջության վրա:
Ամենից լավ Խեցգետիններն իրենց զգում են ընտանիքում: Նրանք շատ լավ ծնողներ են լինում:
Խեցգետինները գերազանց հասնում են իրենց նպատակներին: Բայց նրանք դա անում են բավականին դանդաղ:
Անցյալը մեծ նշանակություն ունի Կենդանակերպի այս նշանի ներկայացուցիչների համար: Նրանք անցյալից առնվազն փորձ են քաղում:
Խեցգետնից ավելի պաշարապահ, թերևս, միայն Ցուլն է: Դա թույլ է տալիս նրանց ստեղծել լավ նյութական հիմք ընտանիքի համար:
Սովորությունները շատ վառ են արտահայտված այս նշանի ներկայացուցիչների մոտ: Նրանց համար շատ դժվար է լինում փոխել ձևավորված կենսակերպը:
Պատրաստեց Անի Գաբուզյանը
