Տպել
Հունվարի 14-ի առավոտյան մի քանի գնացքների բախում Է տեղի ունեցել Իտալիայի Նեապոլ քաղաքի մետրոպոլիտենում, հիվանդանոցներ Է տեղափոխվել 13 մարդ: Ինչպես հայտնել Է Il Mattino տեղական հրատարակությունը, միջադեպին մասնակցել Է երեք շարժակազմ, որոնցից մեկը եղել Է առանց ուղեւորների: Բախումը տեղի Է ունեցել քաղաքի հյուսիսային մասում՝ ուղեգծի վերգետնյա տեղամասում:
Ինչպես հայտնել Է քաղաքի տրանսպորտային ընկերությունը, գնացքների երթեւեկությունը դադարեցված Է տեղի մետրոյի երեք ուղեգծերից մեկում. տուժածներին տարհանելու համար փակվել Է մերձակա երեք կայարան: Ընդամենը հիվանդանոցներ Է տեղափոխվել 13 մարդ, ներառյալ շարժակազմերի մեքենավարները: Նախնական տվյալներով՝ գնացքների բախման պատճառ Է դարձել մարդկային սխալը, հաղորդել Է ՌԻԱ Նովոստին:
