Տպել
Ընդամենը մեկ օրում չինական 2019-nCoV կորոնավիրուսի հետևանքով մահվան դեպքերի թիվը 26-ից հասել է մինչև 41-ի: Այս վիրուսով է վարակված ավելի քան 1300 մարդ, հայտնում է reuters.com-ը՝ վկայակոչելով տեղական իշխանություններին:
Կորոնավիրուսի զոհերից մեկը 62-ամյա բժիշկ Լյան Ուդուն է, որը Ուհան քաղաքում բուժում էր այս հիվանդությամբ պացիենտներին և նրանցից վարակվել է: Այսօրվա դրությամբ քիչ չեն վարակված բուժաշխատողները, սակայն նրանց ստույգ թիվն առայժմ հայտնի չէ:
Վիրուսի տարածման աղբյուրն է համարվում Ուհանի կենտրոնի շուկան, որտեղ ապօրինի ծովամթերք էին վաճառում:
Այս պահին Ուհանը և չինական շատ այլ քաղաքներ կարանտինի վիճակում են և փակ են, այնտեղ չի կարելի գնալ հասարակական տրանսպորտով, մեկնելու սահմանափակումներ էլ կան: Հանրային շատ վայրեր, այդ թվում՝ Շանհայում կինթատրոնները փակ են: Մարդիկ փողոցներ են դուրս գալիս դիմակներով: Չնայած այս միջոցառումներին, հիվանդությունը շարունակում է տարածվել մյուս քաղաքներում և երկրներում:
